-Almmuhus-
OĐĐASATGidden skohterláhtuid Deanus ja Davvesiiddas

Gidden skohterláhtuid Deanus ja Davvesiiddas

Journalista

-

-

Romssa ja Finnmárkku fylkkamánni lea gidden gaskaboddosaččat skohterláhtuid 8, 13 ja 15 Davvesiiddas ja osiid 2A ja 3C láhtuin Deanu gielddas njukčamánu 11. beaivvi rájes. Láhtut leat giddejuvvon vai bohccot bállejit guohtut. 

Romssa ja Finnmárkku fylkkamánni dieđiha preassadieđáhusas ahte lea hirbmat heajos dálveguohtun bohccuide. Danin lea mearridan gaskaboddasaččat giddet skohterláhtu 8, 13, ja 15 Davvesiidda gielddas ja osiid 2A ja 3C skohterláhtuin Deanu gielddas njukčamánu 11. beaivvi rájes. 

Gaskaboddosaččat giddejuvvon Davvesiidda gielddas: Olles skohterláhttu 13 Gussanjárggas Áttánvutnii. Olles skohterláhttu 14 Áttánvuonas gitta Deanu gielddarádjái gokko lea luoddaearru láhttu 8 ja 5 Deanu gielddas. Olles skohterláhttu 8 Irgavuonas gitta Deanu gildii. 

Gaskaboddosaččat giddejuvvon Deanu  gielddas: Bajit oassi skohterláhtu 2A davábeale Gurtejávrris gitta skohterláhtu lohppii. Bajit oasi skohterláhtu 3C oarjjábeale Látnajávrris gitta skohterláhtu lohppii. 

Buot sierravuodjinlobit dáid skohterláhtuin leat gaskaboddosaš bissehuvvon. Dat mearkkaša ahte jus dát gaskaboddosaš skohtervuodjingielddus bissehuvvo, de lea fas lohpi dakko vuodjit.

Skohterláhtto- ja vuodjingildosiid ágga lea heajos dálveguohtundilli bohccuin.

-Almmuhus-