Stuora Liidnavuonas Álttá suohkanis lea fylkkageainnu 19 giddejuvvon guovtti mánnui geađgeuđđasa geažil.
Geologa Stáhta geainnodoaimmahagas lea leamaš báikkis iskamin ja gávnnahan ahte geaidnu šadda bissut gitta unnimusat guokte mánu.
Finnmárkku fylkkasuohkan ovttasbargá Álttá suohkaniin, Stáhta geainnodoaimmahagain ja Borealain buoremus lági mielde vuhtii váldit álbmoga geaidda uđás lea čuohcan.
Liige ruvttut
Čuovvovaš ruvttut leat biddjon otne ja ihttin:
Girenjárggas vuolgá busse otne diibmu 17.30, ja gulahallá busseruvttu 115:iin Uhca Liidnavuonažii.
Ihttin ges iđđes diibmu 08.25 vuolgá busse Uhca Liidnavuonažis Girenjárgii, ja gulahallá busseruvttu 115:iin.
Girenjárggas vuolgá busse diibmu 17.30, ja gulahallá busseruvttu 115:iin Uhca Liidnavuonažii.
Fylkkasuohkan áigu ovttas Borealain gávnnahit movt čovdet reasta giddenáiggi, ja sii almmuhit čovdosa nu jođánit go sáhttet, dán dieđiha Finnmárkku fylkkasuohkan.
