Suopma áigu giddet riikkarájá ruošša mátkkošteaddjiide.
Dan vahkus, bearjadaga rájes ruošša mátkkošteaddjit eai soaitte beassat šat Supmii dan sivas go mátkkošteaddjiid mearri lea sakka lassánan Suoma eiseválddiid mielde. Dan dieđiha Yle.
Áigumuš lea ráddjet turistajohtolaga nu ahte turismavisumiin ii šat beasa riikii.
Mannan vahkku bohte badjel 40.000 ruoššalačča Suoma beallái, čájehit EU rádjágoziheame, Frontex:a logut, čállá NRK Sápmi.
Eará oktavuođain nu go bearraša galledeami dahje oahpu oktavuođas de galgá leat ain vejolaš beassat Ruoššas Supmii.
