-Almmuhus-
-Almmuhus-
SMÁVVAOĐĐASATGeologiija­beaivi Guovda­geainnus

Geologiija­beaivi Guovda­geainnus

-

-

Lávvordaga lea vejolašvuohta gullat ovtta Norgga čeahpimus geologa go muitala Finnmárkkuduoddara geologiija birra ja mo kártenbargu das lea leamašan. 

Čakčamánu 10. beaivvi doallá ovddeš NGU-direktevra ja geologiijaprofessor Arne Bjørlykke logaldallama diibmu 12:s Guovdageainnu kulturviesus geologiija birra ja Guovdageainnu geologalaš iskkademiid birra.

Dalle ovdanbuktojuvvo áibbas ođđa čájálmas ráhkaduvvon NGU:s Guovdageainnu geologiija birra. Dat šaddá oassin geologiijačájálmasas Guovdageainnu Meahcceguovddážis. Doppe leat čuohtenáre minerálaiskosa ja dieđut geologiija birra obbalaččat ja báikkálaččat, sámi girjjit geologiija birra, Stuoragurrahilguma birra ja ruvkehistorjá ja plánat Biedjovákkis, Náránaččas ja Nussiris.

Lágideapmi leat oassin riikaviidosaš doaluin Geologiija Beaivi, ja dál lea njealját beaivi go lágiduvvo Guovdageainnus.

-Almmuhus-