Finnmárkku politiijat álggahedje ohcanakšuvnna mannan ija, ja nieida gávdnui odne iđđes.
Finnmárkku politiijat bidje johtui ohcanakšuvnna gaskavahku ija go 20-jahkásaš nieida ii lean boahtán ruoktot maŋŋá go manai vázzit mátkki beatnagiin Donjevuonas maŋŋebárgga eahkeda.
Nieida manai vázzit beatnagiin diibmu 22:00 eahkedis ii ge boahtán ruoktot. Sus lei lillá anoráhkka, ránes buvssat, vilges skuovat badjelis go manai vázzinmátkái.
Ohcanakšuvnnas ohce politiijat, Rukses Ruossa, Norggagádjun beatnagat ja Siviilasuodjalusa. Diibmu 08:20 gaskavahku iđida dieđihuvvui ahte nieida lei gávdnon dearvan muhtun barttas.
