Go čihččet Arctic Race of Norway lágiduvvo, mii álgá borgemánu 15. beaivvi, leat muhtun máilmmi buoremus sihkkeljoavkkuin gergosat vuolggabáikkis.
Arctic Race of Norway beaivválaš jođiheaddji Knut-Eirik Dybdal lea hui duhtavaš joavkkuiguin geat galget searvat máilmmi davimus sihkkelgilvui dán jagi.
– Dán jagáš gilvvus leat olu iešguđetlágán sihkkelastit. Doppe besset geahččit oaidnit muhtun máilmmi buoremus joavkkuin, garra internationála ja Norgga hástaleaddjit, dadjá Dybdal.
Oktiibuot 20 joavkku miehtá máilmmi galget gilvvohallat njeallje beaivvi Lofuohtas, Viestterállasis ja Ufuohtas, ovdal go loahpahuvvo Áhkánjárggas.
