-Almmuhus-
-Almmuhus-
SMÁVVAOĐĐASATGaskavahku nohká digitála ovdagihtii jienasteapmi

Gaskavahku nohká digitála ovdagihtii jienasteapmi

-

-

Lea ain vejolaš válgabeaivvi fysalaččat jienastit.

Dán jagi girkoválggain lea vejolaš jienastit sihke digitálalaččat ovdagihtii ja fysalaččat válgalanjas. Gaskavahku, čakčamánu 6. beaivvi, lea maŋemus vejolašvuohta digitálalaččat ovdagihtii jienastit.

Jienasteapmi ferte registrerejuvvot ovdal diibmu 15:00 dan beaivvi.

Dássážii leat badjel 67 000 olbmo jienastan digitálalaččat girkoválggain, ja nu oallugat eai leat goassege ovdal dan dahkan.

– Eambbosat válljejit ovdagihtii jienastit iige goassege ovdal leat nu álki leamaš dan dahkat go dál. Lea álki searvat ja váikkuhit Norgga stuorámus miellahttodemokratiija, dadjá Girkoráđi direktevra Ingrid Vad Nilsen preassadieđáhusas.

Vaikko ovdagihtiijienasteapmi nohká gaskavahku, de lea ain vejolaš fysalaččat jienastit almmolaš válgabeaivvi, čakčamánu 11. beaivvi, miehtá Norgga.

-Almmuhus-