Diibmu 12 gaskavahku geahččalit heahtedieđiheami mobiilas ja Siviilasuodjalusa dieđihanrusttegiid miehtá Norgga.
Gaskavahku njurgugohtet ja sparaidišgohtet mobiilat miehtá Norgga, muhto heahtedieđiheapmi ii leat mihkke váralaččaid, lea dušše geahččaleapmi.
Heahtedieđiheapmi iskojuvvo sihke dan dihte vai álbmot diehtá movt lea oažžut heahtedieđu ja sihkkarastin dihte ahte vuogádat doaibmá nu mo galgá.
Dá lea nuppes go heahtedieđiheapmi mobiillas geahččaluvvo, vuosttaš geardde lei geassemánus diibmá ja dalle ledje oallugat geain heahtedieđiheapmi ii doaibman.
Jus duohta heahtedilli čuožžila ja heahtedieđáhus sáddejuvvo, de leat dieđus dieđut dan birra mii dáhpáhuvvá ja maid don galggat bargat.
