-Almmuhus-
-Almmuhus-
SMÁVVAOĐĐASATGalgá šaddat álkit registreret ovttaolbmofitnodagaid

Galgá šaddat álkit registreret ovttaolbmofitnodagaid

-

-

Ealáhusministár árvala rievdadit njuolggadusaid ovttaolbmofitnodagaide ja Norgga registrerejuvvon olgoriikka fitnodagaid (NUF).

Rievdadusárvalusat galget dagahit ahte earret eará lea álkit registreret ovttaolbmofitnodaga, ja oastái ja lágideaddjái diehtit makkár fitnodat leat. Rievdadusárvalusaid vuođul galgá maid álkit šaddat juohkit dieđuid mat leat jo eiseválddiin.

– Áddehahtti njuolggadusaid geažil, mat leat heivehuvvon ealáhusaide, seastá ealáhusdoalli joavdelas bargguid. Geavahit daid dieđuid maid ealáhusdoalli lea jo addán eiseválddiide, álkida Norgga ealáhusaid bargguid, muitala ealáhusministtar Jan Christian Vestre (Bb) preassadieđáhusas.

Eambbo doaimmalaš nuppes geavahit dieđuid

Árvalusas, mii dál lea sáddejuvvon gulahallamii, boahtá ovdan ahte galgá vejolaš eambbo beaktileappot nuppes geavahit dieđuid. Ráđđehus árvala ahte Ovttadatregisttar ja Fitnodatregisttar besset addit olbmuid riegádannummara oktan namain eiseválddiide ja earáide, geat goitge ožžot daid dieđuid Álbmotregistaris.

– Lea álkit oaidnit lea go dat seamma «Anne Bakke» dahje «Jan Johansen» jus oidno riegádannummar nama bálddas. Dat leat jo dieđit mat leat eiseválddiin, nu ahte daid dieđuid lei galgat sáhttit juohkit earáide maid, čilge Vestre.

-Almmuhus-