Dan logu siskkobealde leat maiddái Lujávrri suohkana skuvlamánát.
Regionála oahpahusdepartemeanttas mearridedje 34 skuvlaluohká 23 skuvllas skuvlamánáid miehtá Guoládatnjárgga sirdit gáiddusoahpahussii dan sivas go buozalmasvuohta lea lassánan.
807 máná vástidit 0,9 proseantta visot Guolládatnjárgga skuvlamánáin. Lujávrri suohkanis šaddet ovtta skuvlla mánát čuovvut oahpahusa gáiddusin.
Oahpahusdepartemeantta dieđuid mielde regiovnnas ii leat okta ge skuvla mas buot mánát galget gáiddusoahpahusa bokte čuovvut skuvladiimmuid.
Dieđáhusas masa čujuha B–bort neahttaaviisa ii boađe ovdan man stuora buozalmasvuođas lea sáhka.
Dearvvašvuođa bearráigeahčču rávve ordnet gáiddusoahpahusa dilis go 20-30 proseantta skuvlaluohká mánáin jávke buozalmasvuođa geažil.
