-Almmuhus-
-Almmuhus-
OĐĐASAT Fylkkasuohkan ii gáibit ruovttoluotta kulturruhtajuolludemiid

Fylkkasuohkan ii gáibit ruovttoluotta kulturruhtajuolludemiid

-

-

Romssa ja Finnmárkku fylkkasuohkan addá ekonomalaš doarjaga kultur-, valáštallan- ja olgoáibmodoaibmaaktevrraide. 

Koronadili geažil eai lágiduvvo nu ollu doaimmat dáin surggiin, ja fylkkasuohkanis lea ge danne hui dehálaš diehtu sidjiide geat leat ožžon doarjaga ja maid eará aktevrraide dáin surggiin. 

– Romssa ja Finnmárkku fylkkasuohkan ii gáibit ruovttoluotta doarjagiid mat galge mannat prošeavttaide, doaimmaide ja lágiidemiide, muhto dattetge eai šatta lágiduvvot koronadili geažil, dadjá fylkkaráđđi Anne Toril Eriksen Balto preassadieđáhusas. 

Lágideaddjit geat leat ožžon ja ožžot doarjaga, muhto dette eai šatta lágidit koronavirusa geažil, galget raporttas dieđihit dan, ja rehketdoallu galgá máhcahuvvot fylkkasuohkanii nu go dábálaččat. 

– Romssa ja Finnmárkku fylkkasuohkanis lea earenoamáš servodatovddasvástádus kultuvrras, olgoáibmodoaimmain, ja valáštallansurggiin, ja mii diehtit ahte doppe lea rašes ekonomiija. Dat gáibida ahte fylkkasuohkan lea njuovžil vai suorggit eai gillá, dadjá plána, ekonomiija ja kultuvrra fylkkaráđđi Eriksen Balto. 

- Advertisement -
-Almmuhus-