Ikte maŋŋelgaskabeaivvi ja eahkes leat Norrbottena leana politiijat bargan gávdnat dievddu gii lei friddjavuođarievideami čađahan Gárasavvonis Ruoŧa bealde. Friddjavuođarievideapmi lei dainna lágiin ahte 35 jahkásaš dievdu veagaválddiin bággii iežas mielde 60 jahkásaš dievddu. Dan dieđihit Ruoŧa politiijat iežaset neahttasiiddus.
Ikte maŋŋelgaskabeaivvi ja eahkes leat Norrbottena leana politiijat bargan gávdnat dievddu gii lei friddjavuođarievideami čađahan Gárasavvonis Ruoŧa bealde. Friddjavuođarievideapmi lei dainna lágiin ahte 35 jahkásaš dievdu veagaválddiin bággii iežas mielde 60 jahkásaš dievddu. Dan dieđihit Ruoŧa politiijat iežaset neahttasiiddus.
Áššis ii leat oktage olmmoš vahagahtton, ja dievdu geas rieviduvvui friddjavuohta lea fas sihkkarvuođas.
Balahuvvon sivalažžan áššis lea 35 jahkásaš dievdu ja áššečuoččuheaddji lea 60 jahkásaš dievdu.
Dievddut leaba oahppásaččat.
Priváhta helikopteriid geavahan
Gárasavvonis leat leamaš máŋga politiijajoavkku jođus biillaiguin, politiijahelikopteriiguin ja sii leat maiddái geavahan priváhta helikopteriid girddihit politiijaid dan guvlui.
Diibmu 01.30 gávnnai guovllu politiijaveahka olbmá gii galgá leat čađahan friddjavuođarievideami, ja ii oktage vahágahtton gitta váldimis.
Politiijat vearjjuiguin
Aftonbladet.se dieđiha ahte galget leamaš politiijat vearjjuiguin Mertajärvi lahká.
Vazáža ja Ađevuomi gaskkas galgá ges leamaš gielddus vánddardit, go ledje ohcame dievddu.
Dutkame ášši
Dievdu gii lea balahuvvon sivalažžan áššis lea váldon giddagassii earret eará friddjavuođarievideami ja vearjovearredagu geažil.
Odne galget politiijat čađahit teknihkalaš guorahallamiid áššáigullevaš báikkis, ja eanet gažademiid čađahit.
Norrbottena leana politiijat eai vuos muital eanet áššis.
