Niklas Rogne lea dál njunnošis FL-500 luohkás, muhto guovttes leaba doarrideamen su.
Niklas Rogne lea dál njunnošis FL-500 luohkás, muhto guovttes leaba doarrideamen su.
Finnmarksløpet 500 kilomehter luohkás leat golmmas gilvaleamen dál, sii leat Niklas Rogne, Øyvind Jakobsen ja Ole Sigleif Johansen buohkat leat vuodján Leavvajogas olggos otne iđedis ja vurdojit joavdat Skuvvanvárrái otne diibmu beal njealji rájes. Ávvir ii leat lihkostuvvan oažžot ságaide Niklas Rogne guhte lea njunnošis, muhto Ole Sigleif Johansen vástidii telefovdna ja son sáhtii muitalit ahte lea skoaddu muhto siivvu lea buorre ja beatnagat nu de vázzet.
– Mis lea nu fiinnis, eat oainne maidige, muhto lea áibbas goalkil mii dušše navddašat mátki, lohká Ole Sigleif Johansen.
Vuhttet njunnoša
Ole Sigleif Johansen muitala iežas vuodjimin fárrolaga Øyvind Jakobsen, muhto eaba leat oaidnán vel Niklas Rogne guhte dál lea njunnošis.
– Mii eat leat vel oaidnán Rogne, mii dušše vuohttit su. Mis lea erenomáš fiinna mátki dál, mii dušše návddašat dan, lohká beanavuoddji Ole Sigleif Johansen guhte vurdo joavdat Skuvvanvárrái otne diibmu beal viđas eahkedis.
