Geir A. Iversen válljejuvvui vuosttaš várreláhttun Guovddašbellodaga riikkačoahkkimis.
Geir A. Iversen válljejuvvui vuosttaš várreláhttun Guovddašbellodaga riikkačoahkkimis.
Geir A. Iversen válljejuvvui Guovddásbellodaga guovddášstivrra vuosttaš várreláhttun riikkačoahkkimis. Dan dieđiha Guovddášbellodat preassadieđáhusas.
Riikkačoahkkin lei Troandimis.
Go lea vuosttaš várreláhttu, de gohččojuvvo buot guovddašstivrra čoahkkimiidda.
Finnmárkku vuosttaš kandidáhtta
Iversen lei Ákŋoluovtta sátnejođiheaddji 2003s 2007 rádjai. Son lea Finnmárkku Guovddášbellodaga jođiheaddji.
Son lea nubbinjođiheaddji «Gjenreis Kystnorge» organisašuvnnas, ja vuosttaš kandidáhtta Finnmárkku Guovddášbellodagas stuoradikkeválggaide.
Iversen lea 63 jagi boaris, orru Ákŋoluovttas Finnmárkkus, ja lea oahpaheaddji Ákŋoluovtta skuvllas.
Son lea leamaš guolásteaddji, kulturbagadalli, skuvlahoavda ja bagadalli Vindkraft Nord fitnodagas.
Jođiheaddjit bissot
Maiddái jođiheaddjit leat válljejuvvon, ja dat bisso nu go ledje.
Trygve Slagsvold Vedum lea jođiheaddji, Ola Borten Moe nubbinjođiheaddji, ja Anne Beathe Kristiansen Tvinnereim nubbi nubbinjođiheaddji.
