Lei goaivume muohttaga go šattai miljonearan.
Ledje njealljásis buot logut riekta kupoŋŋas mii dagai sin miljonearan ikte lávvordaga. Vuoitit orrot Vestfold, Vest-Agder, Hordaland ja Finnmárkku fylkkain.
Olgun goaivume muohttaga
Finnmárkku dievdu (40) lei goaivume muohttaga go lottosátta lei tv:s. Son láve dábálaččat geahččat lotto juohke lávvordaga, muhto dán háve lei son olgun.
Dievdu lei hirpmahuvvan go Norsk Tipping riŋgii sutnje muitalit ođđasa.
– Dál gal dájut, vai? logai dievdu.
Go Norsk Tipping jearrá dievddus masa áigu ruđa geavahit, de vástidii:
– Áiggun máksit viessoloana, ja lean guhká jurddašallan oastit fatnasa.
