Finnmárkkus njiejai bargguhisvuohta čakčamánu, go buohtastahttá diimmáža ektui.
Finnmárkkus njiejai bargguhisvuohta čakčamánu, go buohtastahttá diimmáža ektui.
Finnmárkkus njiejai bargguhisvuohta čakčamánu, go buohtastahttá diimmáža ektui seamma áiggi. 1258 olbmo leat dieđihan iežaset bargguheapmin, ja dat lea 41 olbmo unnit go diibmá.
Njiedjá nuorra olbmuid gaskkas
– Finnmárku ii čuovo reasta Norgga, gos bargguhisvuohta lassána. Guolástusas eai cealkke eret nu ollugiid ja leat buorit áiggit huksensuorggis. Hui somá lea oaidnit ahte bargguhisvuohta njiedjá nuorra olbmuid gaskkas, lohká ossodatjođiheaddji NAV Finnmárkkus Eva-Lill Johansen Margit preassadieđáhusas.
315 barggu almmuhedje Finnmárkkus čakčamánu, mii lea sullii seamma go diibmá. Eanemus bargguid almmuhedje Álttás (70), Hámmárfeasttas (58), Mátta-Várjjagis (54) ja Kárášjogas (25). Eanaš barggut leat dearvvašvuođas, dikšumis ja fuolahusas.
Unnimus ja eanemus
12 suohkana Finnmárkku 19 suohkana 12 suohkanis njiedjai bargguhisvuohta. Láhpis leat unnimus bargguhisvuođalohku (1,9%). Gáŋgaviikkas ledje eanemus dieđihuvvon bargguhis olbmot (9,3%).
