-Almmuhus-
-Almmuhus-
OĐĐASAT Finnmárkku luossabivdui mearriduvvon ođđa njuolggadusat 

Finnmárkku luossabivdui mearriduvvon ođđa njuolggadusat 

-

-

Birasdepartemeanta gieldá bivdit luosaid mearas kilanuhtiin ja mohkkefirpmiin.

– Eanaš Deanučázádaga birrasii 30 luossanáliin ii leamaš doarvái luossa maŋimuš jagiid ahte daid sáhtašii bivdit. Jus galggaš seailluhit ja lasihit luossanáli Deanučázádagas, de lea dehálaš bidjat johtui doaimmaid mat gáhttejit ja diktet luossanáli laskat, vai luossa boahtteáiggis maid bisošii vuođđun sihke ealáhussii ja astoáiggi doaimmaide, ja sámi kulturdoaimmaide rittus ja siseatnamis, lohká Birasdirektoráhta direktevra Ellen Hambro, dieđiha preassadieđáhusas miessemánu 12. beaivvi eahkedis.

Gildet mearraluossabivddu

Mearrádus dagaha ahte jagi 2021:s ii rahppo vejolašvuohta bivdit luosa mearas vihtanbivdosiiguin Bearalvági, Deanu ja Gáŋgaviikka gielddain, ja dasa lassin Davvesiidda ja Davvikáhpa fávlelii guovlluid. 

Evttohus mii dál lea mearriduvvon, lei gulaskuddan áigemearri miessemánu viđát beaivvi. Birasdirektoráhtii bohte 22 gulaskuddancealkámuša. Eai boahtán eará molssaevttolaš evttohusat mo ráddjet regulerenguovllu dahje eará evttohusat mat sáhtášedje buorebut áimmahuššat luossanáliid.

Norgga ja Suoma eiseválddit leat árabut mearridan ahte ii rahppo luossabivdu Deanučázádagas 2021:s. Dás gávdná daid reguleren njuolggadusaid ja gulaskuddancealkámušaid ja Birasdirektoráhta árvvoštallama. 

GILDJOJUVVON: Mearraguovllus Finnmárkkus, mii lea merkejuvvon oránša ivnniin, ii leat lohpi 2021:s bivdit luosa mearas vihtanbivdosiiguin.  Grafihka: Miljødirektoratet
GILDJOJUVVON: Mearraguovllus Finnmárkkus, mii lea merkejuvvon oránša ivnniin, ii leat lohpi 2021:s bivdit luosa mearas vihtanbivdosiiguin.  Grafihka: Miljødirektoratet
-Almmuhus-