-Almmuhus-
KULTUVRA Festivála gos váibmu lea čoahkkananbáiki

Festivála gos váibmu lea čoahkkananbáiki

-

-

Ođđa sámi ja eamiálbmot festivála Kongsbergas dán geasi, gos váibmu lea čoahkkananbáiki ja luondduin gulahallat lea váldofáddá.  

Sáráhkáfestivála dollojuvvo Kongsbergas geassemánnu 22. ja 23. beaivvi. Lávvordaga 22. beaivvi galgá festivála jođiheaddji Astrid Ingebjørg Swart doallat festivála rahpama. 

– Sáráhkáfestivála lea báiki gos olbmot besset deaivvadit rastá kultuvrraid, gos váibmu lea čoahkkananbáiki olbmuide, muitala festiválajođiheaddji Astrid Swart.

 

Sávvá čalmmustahttit sámi kultuvrra

Festivála čájeha sámi kultuvrra mas lea guovddážis diehtomielalaš árbevirolašvuohta lundui, movt loktet dan ja gaskkustit luonddu duogáža festivála gussiide.  

– Mii sávvat ahte dát čalmmustahttá sámi kultuvrra ja árbevirolaš jurddašanvuogi luonddu ektui ja dieđusge eará álgoálbmogiid árbevieruid, ja  gaskkustit dan gehččiide.

 

Viiddis prográmma


Festivalajođiheadji Astrid Ingebjørg. Swart Govven: Kjell Magne Johnsen

Sáráhkáfestiválas leat iešguđet ge doaimmat, nu go bargobadji, juoigankurssat ja seremoniijat. 

– Mis leat ollu resursaolbmot geat bohtet, nu go  sámi šamána Erik Myrhaug. Sus lea hui ollu máhttu sámi kultuvrra ja šamanismma birra. 

Sáráhkáfestiválii boahtá maid Biret Lovise Utsi.  Son galgá doallat logaldallama luođi ja sámi historjjá birra, muhto galgá maid doallat luohtekurssa lávvordaga ja sotnabeaivvi.

Mari Hellander galgá logaldallat sámi birrasa psyhkalaš dearvvašvuođa birra, mánáid ja rávesolbmuid gaskkas. 

 

Sátnejođiheaddji rahpá festivála

Swarta mielas lei hui illusáhka go Kongsberga sátnejođiheaddji ja ráđđeolbmá mielas lea dá juoga mii lea dehalaš. 

 – Mu mielas lea hui buorre go sátnejođiheaddji logai sus lea hállu boahtit. Son lei lohkan dan birra Facebookas. 

Kongsberga sátnejođiheaddji Kari Anne Sand galgá rahpat feativála lávvordaga. Rahpamis galgá vel leat diktalohkan ja konsearta.

Krona kinos Kongsbergas galgá čájehuvvot dokumentara «Jeg ser deg», mii lea Michael Wingera badjellunddolaš návccaid birra. 

– Mis lea hállu čájehit kultuvrralaš valjivuođa olbmuide, muitala Swart.

- Advertisement -
-Almmuhus-