Oarje-Finnmárkku politiijat eai beassan gal vuoiŋŋastit mannan ija:
Oarje-Finnmárkku politiijat eai beassan gal vuoiŋŋastit mannan ija:
Váile njealjis lávvardat čuovganeapmái, fuomášedje Álttá politiijat muhtin njealjejuvllaga mas ledje dovdomearkkat čihkkon.
– Mii árvvoštallat ásahit ášši dás, čállet Oarje-Finnmárkku politiijat twitteris.
Veahá maŋŋelaš, logi váile njealjis mannan ija, dieđihedje ges ahte Álttá politiijat šadde fitnan muhtin priváhtadálus gos lei feasta.
Kránnját ledje váidalan ahte dálus čuojahit musihka hui jitnosit.
– Feastta «eaiggát» gohččui jaskkodit, čállet politiijat.
Fas veahá maŋŋelaš dien, diibmu 04.10, dieđihedje fas Álttá politiijat iežaset leat jođus.
Dalle ledje ges ožžon dieđu ahte muhtin almmái lei máŋgii huškkohallan ámadadjui City Scene olgobáikkis Álttás.
– Vearredahkki lei báhtaran báikkis. Ášši váido maŋŋil, čállet politiijat.
