Mattias Sikku Valio lea guldalan SGP lávlunoasi maŋimuš hárjehallamiid ovdal finála, ja lohká Nils Henrik «Niko» Buljo favorihttan vuoitit lávlunoasi.
– Mu mielas ledje čeahpit ja šaddá oba buorre showa eahkes, dadjá Mattias Sikku Valio guhte lea guldalan lávlunoasi maŋimuš hárjehallamiid ovdal finála. Sikku Valio lea musihkkadovdi, ja lea ieš ovdal čuojahan «Mollet» joavkkus.
Buljo favorihttan
– Mu favorihtta gal lea Niko Buljo «1+1» lávlagiin, dat lea dakkár klassihkalaš rockelávlla, das lea veahá dakkár Sagittarius dovdu, dadjá Sikku Valio.
Nils Henrik «Niko» Buljo leage lávlon Sagittarius joavkkus.
– Luohteoasis buorre dássi
Luohte oasi in ollen nu bures guldalit, muhto mu mielas orui buorre dássi, dan mađe gal sáhtán lohkat, čilge Sikku Valio guhte lea Báktehárjjis filbmejeaddjin Arctic web-tv ovddas.
Nils Henrik Buljo ii jáhke gal iežas vuoitit.
GEAHČA VIDEO:
