Báhčaveaji 5A/5C orohat gáibida dál ahte sin orohat okto galgá beassat guođohit guovllus man leat juogadan ránnjáorohagain.
Báhčaveaji 5A/5C orohat gáibida dál ahte sin orohat okto galgá beassat guođohit guovllus man leat juogadan ránnjáorohagain.
Báhčaveaji orohat 5A/5C dat lea stevdnen orohat 4/5B /5C Sállan ja Cižašnjárga orohaga diggái.
5 A/C gáibida oktovuoigatvuođa 5A guvlui man goappaš orohagat leat geavahan. Dát guovlu lea Uvduvuonas Hirsánjárgga guvlui.
Báhčaveadji lea eanas atnán guovllu bievlan, ja Sállan/Cizašnjárga leat ges eanas leamaš doppe dálvet.
– Ii doaimma juogadit
Báhčaveaji orohaga ovdaolmmoš Egil Kalliainen dadjá iFinnmark aviisii ahte dál ii doaimma ortnet juogadit guovllu nuppiin orohagain.
Stevdnejuvvon orohaga ovdaolmmoš Knut Magga ii leat háliidan kommenteret ášši aviisii, muhto sávvá duomu doarjut sin beali.
Industriijaguovlu
Dán guvlui lea plánejuvvon Mátta-Várjjaga ođđa vuođđofierpmádat, muhto ii goabbáge sudnos jáhke sin diggeášši váikkuhit daidda plánaide.
Áššái leat biddjon golbma beaivvi Nuorta-Finnmárkku diggegottis, njukčamánu 6.- 8.b 2018.
Magga ja Kalliainen bearrašat leat ovdal vuoitán dikkis go Smuk joavku gáibidii diggeášši bokte oažžut oktovuoigatvuođaid 5C orohagas.
