-Almmuhus-
-Almmuhus-
OĐĐASATFágalihtut vuite Alimus­rievttis

Fágalihtut vuite Alimus­rievttis

-

-

Alimusriekti lea gávnnahan ahte fágalihttomiellahtuin lea vuoigatvuohta oažžut iežaset áššegoluid máksot maiddái go fágasearvvit leat máksán áššegoluid. Parat-advokáhtta Sigurd Øyvind Kambestad lohká dan leat dehálaš čielggadeapmin vai sáhttet buot miellahtut ožžot seamma buori riekteveahki.

Parat, mii lea osolašveahkki, vuittii áššiin Alimusrievttis ovttasráđiid LO ja Fellesforbundet fágalihtuin. Ášši lea prinsihpalaš, muhto justa dán áššis lei muhtin LO-miellahttu gii vuolggahii gáibádusa Bargo- ja čálgodirektoráhttii. Lágamánneriekti celkkii duomus ahte miellahtus, go lei vuoitán áššis, ahte NAV galgá rievdadit NAV-mearrádusa, ii leat vuoigatvuohta oažžut áššegoluid máksojuvvot. Ágga lei go miellahttu ii leat ieš máksán goluid. Áššegoluid lea fágalihttu máksán. 

– Mii máksit álo buot goluid diggeáššiin main mii bealuštat iežamet miellahtuid, lohká Kambestad preassadieđáhusas. 

Dál lea Alimusriekti nannen ahte olbmos lea vuoigatvuohta oažžut áššegoluid máksot jus goalmmát bealli, dán áššis fágalihttu, lea máksán daid. Kambestaf oaivvilda ahte ášši lea čilgen dehálaš prinsihpalaš gažaldaga ja lea ilus  Alimusrievtti duomuin.

– Áššegoluid máksin lea dehálaš eaktu min vejolašvuhtii veahkehit iežamet miellahtuid. Go Alimusriekti nanne ahte olbmos lea vuoigatvuohta oažžut áššegoluid máksojuvvot, maid go fágalihtut leat máksán áššegoluid, de máksá dat ahte mii sáhttit veahkehit buot miellahtuid seamma bures boahtteáiggis. Mii fuolahat miellahtuid riektesihkarvuođa ja sáhttit ain veahkkin riektečielggadeamis, lohká Parat-advokáhtta.

-Almmuhus-