City Sámit rs. hástala dál sápmelaččaid válljet sidjiide “ambassada”.
City Sámit rs. hástala dál sápmelaččaid válljet sidjiide “ambassada”.
«Jagi 2015 sápmelaš» galgá ovddastit sámeárvvuid, eallit ovdagáttuid haga, geahčadit máilmmi viidát ja guovdilastit boahtteáiggi. Son máhttá ovddastit álbmoga, diehtá bures sápmelašvuođa ja sápmelaš kultuvrra, ja maiddái áigeguovdilis sámefáttáid birra. Kulturolbmo bokte kulturáššit sáhttet leat deháleappot.
– Jagi sápmelaš válljejumiin háliidat bálkkašit positiivvalaččat sápmelašvuođa ovdanbuktán olbmo ja dáinna háliidat bajidit sápmelašvuođa váldoálbmoga gaskavuhtii. Válljejumis lea oaivil dahkat jahkásaš árbevieru, lohká City-Sámit rs sátnejođiheaddji Pentti Pieski.
Deavdde skovi ja evttot
Jagi sápmelačča oktan ákkastallamiiguin sáhttá evttohit dáinna skoviin.
Jagi sápmelaš válljema organisere Mátta-Suoma sámesearvi City-Sámit rs. ja válljenjoavkkus leat 8 sámeorganisašuvnna miehtá Suoma, ja maiddái nuortalaččat ja anáraččat leat joavkkus mielde.
Válljenjoavkkus leat čuovvovaš sámeorganisašuvnnat: Anarâškielâ servi ry, Bárbmu ry, City-Sámit ry, Nuortalaččaid siidasoappar, Mii ry, Sámediggi, Suoma Sámi Nuorat ja Vuohču sámesearvi ry.
Gudnemáinnašumi lassin City-Sámit rs. bálkkaša jagi sápmelačča duodjebálkkašumiin ja goasttida válljejuvvon olbmo mátkki idjademiiguin Turku girjemeassuide 2.-4.10.2015
