Finnmárkku fylkkagieldda kulturbálkkašupmái leat nominerejuvvon 12 evttohasa. Vuoiti oažžu 30 000 ruvnnu ja dáidaga.
Fylkkagielda juohká juohke jagi kulturbálkkašumi ovtta olbmui, organisašuvdnii dahje ásahussii Finnmárkkus dego gudneskeaŋkan dan erenomáš kulturbarggu ovddas maid fylkkas lea bargan.
Ledje evttohuvvon dušše 6 evttohasa fylkka kulturbálkkašupmái go áigemearri dievai miessemánus.
Fylkkaráđđealmmái válljii evttohit vel 6 evttohasa, nu ahte váldolávdegottis lea dál stuorát válljenmunni fylkka kulturbálkkašupmái.
Njuolggadusovdamunnin oažžut fylkka kulturbálkkašumi lea eaŋkilolbmuide geat eai leat virgáduvvon bargat kulturbargguin almmolaš ásahusain.
Kulturbálkkašupmi juolluduvvo dušše oktii seamma olbmui.
Kultur- ja johtolat váldolávdegoddi meannuda duorastaga bálkkašumi vuoiti.
Bálkkašupmi geigejuvvo fylkkadikki doaluin Čáhcesullos golggotmánu 12. beaivve.
