Kulturdepartemeanta lea evttohan ođđa lága ja rievdadit doarjjaortnega osko- ja eallinoaidnoservvodagaide maid dál sádde gulaskuddamii.
Kulturdepartemeanta lea oktasaš revišuvnna osko- ja eallinoaidnolágas sádden gulaskuddamii. Maiddái gullevaš doarjjaortnegiid evttohit rievdadit.
Dat golbma dálá lága (girkoláhka, oskuservvodatláhka ja eallinoaidnoláhka) leat evttohuvvon heaittihuvvot ja ásahit ođđa oktasaš lága dan golmma lága ovdii, dieđiha kulturdepartemeanta preassadieđáhusas.
Čohkkejit ovtta lága vuollái
Evttohuvvo álkidahttit lága ja doarjjaortnegiid mat leat lága bokte mearriduvvon. Seammás áigot joatkit erenoamáš lágain Norgga girku ovddas.
– Gulaskuddanevttohusat leat eavttuid dásis mat leat Vuođđolágas § 16 ahte Norgga girku galgá leat álbmotgirku vuođđun. Evttohus lea čuovvoleapmi ráđđehusa lohpádusas ásahit oktasaš lága osko- ja eallinoaidnoservvodagaide. Go čohkket dan golmma lága ovtta láhkan, de álkidahttá doaimma ja seammá árvvuin gieđahallá áššiid, lohká kulturministtar Linda Hofstad Helleland.
