Gaskavahkku cuoŋománu 10. beaivvi doallá Elina Ijäs nuvttá konseartta Oaivegávpogis, Jakoba kulturgirkus.
Elina Ijäs háliida iežas teavsttaiguin ja musihkain bovdet guldaleddjiid ruoktot, Sápmái. Seammás háliida son bovdet earagielat olbmuid guldalit ja geahččalit dulkot su musihka vaikko eai ipmir sániid sisdoalu.
Eatnigiela geavahemiin son čájeha ráhkisvuođa gollegillii, dán háve Oslos Jakoba kulturgirkus, cuoŋománu 10. beaivvi diibmu 19:00 rájes, Kristiania Live festivála oktavuođas.
Su fárus čuojahit: Amandus Kronborg Grønlien, Charlaine Moufack, Dinah Grimsby, Hannah Eriksen, Hans-Erik Thon, Magnus Ellingsen, Maja Lund Olstad, Morgan Norstad ja Storm Hønsi Pettersen.
