-Almmuhus-
-Almmuhus-
OĐĐASATEanetlohku bártniin válljejit fidnosurggiid

Eanetlohku bártniin válljejit fidnosurggiid

-

-

Lea čielga eanetlohku bártniin geat válljejit fidnosurggiid. Badjel ovccis logi oahppis ja oahpahalliin leat bártnit, čájehit SSB logut.

Bohccesuorgi lea okta dain surggiin mii háliida loktet nieiddaid logu, go dušše 1,5 proseantta bohccebargiin leat nieiddat.

Oktiibuot huksensuorggis leat gávcci ­proseantta nieiddat.

– Mii fertet čájehišgoahtit buriid ovdagovaid ja bargat suorggi ovdagáttuiguin, lohká Rørentreprenørene Norge fága­hoavda Eli Heyerdahl Eide.

 

Eambbo nieiddaid huksensuorgái

– Bohccebargosuorgi heive bures doaimmahit buohtalagaid bearašeallimiin, jus buohtastahttá ovdamearkka dihte vuorrobargosurggiin, nu go dearvvaš­vuođasuorggis. Bohccebargiin leat dábálaš bargoáiggit, lohká son.

Son oaivvilda ahte jus galggašii nagodit eambbo nieiddaid oažžut huksensuorgái de fertejit fitnodagat váldit ovddasvástádusa ja virgádit eambbo nieiddaid.

– Nieiddat huksensuorggis leat unnán oidnosis, ja nieiddain lea unnán diehtu ealáhusa birra. Dainna mii fertet juoidá bargat, lohká ges Huksenealáhusa riikkasearvvi politihkalaš ráđđeaddi Caroline Khoury Nilsen.

Son oaivvilda maid ahte jus huksen­ealáhusas livččii eambbo nieiddat, de dat loktešii kvalitehta ja livččii maid árvolokten, oaivvilda son.

Son lohká maid ahte šattašii buoret bargobiras jus šattašii eambbo dássedis lohku nieiddain ja bártniin.

-Almmuhus-