Vaikko ii leat našunála oppalašgovva, de lea sihke Oahpahusdirektoráhta ja Oslo suohkana ipmárdus ahte eanet nuoraidskuvllat leat heaitán árvosániid bidjamis.
Vaikko ii leat našunála oppalašgovva, de lea sihke Oahpahusdirektoráhta ja Oslo suohkana ipmárdus ahte eanet nuoraidskuvllat leat heaitán árvosániid bidjamis.
Ipmirduvvo nu ahte muhtin ráje áigot unnidit árvosániid geavahit, muhto eai oalát heaitte árvosániiguin, čállá Oahpahusetáhta kommunikašuvdnahoavda Trine Lie Larsen Aftenpostenii.
Bergens Tidende aviisa lea ovdal čállán ahte 11 skuvlla 26 skuvllas Bergenis leat unnidan árvosániid atnimis.
Dego duopmu
Oahpahusdirektoráhtta lea maid ožžon dieđuid ahte leat eambbo skuvllat mat áiggoše geahččalit unnidit árvosátnegeavaheami.
– Árvosánit nuoraidskuvllas lea dego duopmu mii celko ja muitala gii don leat ja maid don máhtát. Dat sáhttá jávkadit iežas jáhku ja addit eambbo fokusa movt buohtastahttit earáiguin, muitala Høgskulen i Volda vuosttašamanueansa Siv Therese Måseidvåg Gamlem. Son áiggošii oaidnit rievdadusa skuvllain gos unnidit árvosániid atnimis.
Ohppet oaidnit givrodaga
Gamlem deattuha ahte oahppobiras ja boađus automáhtalaččat ii buorrán jus eai geavat árvosániid. Dieđut fertejit máhccat ohppiide mat buoridit kvalitehta dan barggus maid sii barget.
– Buori máhcahaga vuođđu lea ahte oahppit dihtet ja oidnet iežaset givrodaga ja geahnohis beliid go čovdet bargguid skuvllas, muhto maiddái bargovugiid ektui ja vuogádagaid, muitala dutki.
(©NTB)
