-Almmuhus-
-Almmuhus-
OĐĐASATEambbogat dieđihan sámi jienastuslohkui

Eambbogat dieđihan sámi jienastuslohkui

-

-

Birrasii 18 000 olbmo leat dieđihuvvon sámi jienastuslohkui, ja ođđajagemánus bohte vel čuođi ođđa olbmo jienastuslohkui. Sámedikki ossodatdirektevra Rávdná Buljo Gaup lohká ahte ii leat šat heahpat leat sápmelažžan.

– Lea dássedis lassáneapmi. Earenoamážit Lulli-Norggas, Romssas ja Álttás lassána jienastuslohku, lohká Sámedikki ossodatdirektevra Rávdná Buljo Gaup Klassekampenis.

– Ii leat šat heahpat leat sápmelažžan. Cielaheapmi gullá vássánáigái, čuoččuha Gaup.

 

Presideanta rámis

Sámediggepresideanta Aili Keskitalo lohká son lea rámis go nu ollugat dieđihit jienastuslohkui.

– Mii eat leat eanet go ahte dárbbašit buohkaid, maiddái sin geat eai leat sámit, muhto geat háliidit doarjut ja čájehit solidaritehta, lohká Keskitalo. 

Son oaidná maid ahte lea álkibun šaddan leat sápmelažžan.

– Mis leat nuorat buolvvat geat leat bajásšaddan sámi lieđđunáiggis, geat leat ávvudan álbmotbeaivvi olles eallenagi, lohká son.

 

Sámi jienastuslohku

Jus don leat jienastuslogus, de sáhtát jienastit dan 39 sámediggeáirasa sámediggeválggas.

Gáibádus lea ahte unnimusat ovttas du máttaráhkuin lea sámegiella leamaš ruovttugiellan, ja ahte ieš dovdá iežas sápmelažžan.

Eai leat buot sámit Norggas geat hupmet sámegiela. Unna oasáš sámiin lea boazodollui gullevašvuohta ja geain lea gákti.

Stuora guovddážat gos sámit ásset, leat Oslo, Troandin ja Romsa, ja ollugat geat leat jienastuslogus eai oidno beaivválaš eallimis.

(©NTB)

 

-Almmuhus-