Guorahallan mas gehččet meroštallon eallinagi ja jápminsivaid máilmmis 2040:s, čájeha ahte erohusat unnot. Eallinahki lassána Norggas, muhto eanemusat eará riikkain.
The Lancet aviisa Eŋglánddas lea almmuhan guorahallanbohtosiid maid Institute for Health Metrics and Evaluation (IHME) lea almmuhan, mas boahtá ovdan ahte eallinahki Norggas badjána 1,4 jagiin 2040 rádjái, muhto go buohtastahttá Norgga muđuid máilmmi ektui, de njiedját dan listtus.
Máilmmis lassána meroštallon eallinahki 4,4 jagiin.
2016:s meroštalle eallinagi Norggas leat 82,1 jagi, ja dainna šattai 12.sadjái máilmmis.
Bajimusas lea Japána, Sveitsa ja Singapore, gos meroštallet eallit gitta leat 83,7 jagi, 83,3 jagi ja 83,3 jagi.
Dábáleamos jápminsivaid Norggas eai meroštala rievdat 2016:s gitta 2040 rádjái. Váibmosivat leat bajimusas boahtteáiggis maid, muhto geahpesborasdávda vurdojuvvo lonuhit saji Alzheimers-dávddain 2040:s.
(©NTB)
