Mammografiijaprográmma Norggas ii dieđit doarvái nissonolbmuide vai besset válljet diđolaččat ja iešheanalaččat.
Dutkit leat geahčadan diehtojuohkinávdnasiid, eai ge oaivvil daid buktit doarvái dieđuid, čállá NTB.
– Váilot áššáiguoskevaš dieđut váivvádusaid birra, earenoamážit badjelmearediagnostihka. Dasa lassin ožžot ovdagihtii šiehtadusaid, mii dagaha ahte olbmot ipmirdit diehtojuohkinreivviid sisagohččumin, dadjá Bjørn Hofman, NTNU Gjøvika ja Oslo universitehta medisiinnalaš filosofa ja etihka professor gii lea dutkan ášši.
– Earenoamážit diehtu behtolaš positiiva bohtosiid birra, badjelmearediagnostihka ja bádjemearedivššu birra eai leat doarvái juohkán, dadjá Hofman preassadieđáhusas NTB dieđuid mielde. Dutkkus lea almmuhuvvon Norgga doaktáriid searvvi čállosis.
