Sis geain áigemearri lea miessemánus ja maŋŋel čađahit EU-dárkkisteami eai oaččo maŋiduvvon áigemeari.
Stáda geaidnodoaimmahat dieđiha preassadieđáhusas ahte eai atte obbalaš maŋideami čađahit EU-dárkkisteami.
Ovdalaččas lea geaidnodoaimmahat maŋidan áigemeari sidjiide geain lei áigemearri gaskal njukčamánu 13. beaivvi ja cuoŋománu 30. beaivvi korona dilálašvuođa geažil, muhto nu eai joatkke.
– Jus lea miessemánus ja ovddos guvlui áigemearri, de ferte čuovvut dan ja oažžut vuojána dohkkehuvvot ovdal go áigemearri dievvá, dadjá ossodatdirektevra Monika Omholt preassadieđáhusas.
Geaidnodoaimmahat maid dieđiha ahte jus buozalmasvuođa, errema dahje sirrema dihte ii nagot doallat áigemeari, de sáhttá ohcat maŋideami.
