Šaddá go giđđadulvi boahtá das makkár dálki lea go muohta suddá. NVE:s eai jáhke šaddat beare stuora dulvviid dán giđa.
Šaddá go giđđadulvi boahtá das makkár dálki lea go muohta suddá. NVE:s eai jáhke šaddat beare stuora dulvviid dán giđa.
Davvi-Norggas lea ain oalle dálvi. Vaikko lea bievlan mearragáttis, de lea ain olu muohta davimus fylkkain 500 mehtera meara badjelis. Nordlánddas lea 95 cm muohta 500 mehtera meara badjelis, Romssas lea 79 cm muohta ja Finnmárkkus lea 62 cm muohta seamma allodagas go Nordlánddas.
Finnmárkku duoddaris lea eanet muohta go dábálaččat, ja Šihččajávrris lea mihtiduvvon 45 cm muohta.
Dálki mearrida
– Dán jagáš muohta ovddit jagi muohttaga ektui sáhttá muitalit man stuora várra lea ahte šaddá stuora giđđadulvi, ja dálki go suddá muohta lea maid mearrideaddji movt giđđadulvi šaddá, muitala NVE dulvedieđiheaddji Inger Karin Engen.
Eanet muohta go dábálaččat
Muhtin báikkiin Finnmárkkus ja Sis-Romssas lea eanet muohta go dábálaččat, ja dáin guovlluin lea eanet várra ahte šaddá stuorát giđđadulvi.
– Lea čájehuvvon maŋemus jagiid ahte ollu arvi sáhttá billistit ollu vaikko lea unnán muohta. Nuppe dáfus leat maid oaidnán vaikko lea ollu muohta, de ii leat šaddan stuora dulvi jus ii leat arván ja ii leat leamaš beare bivval suddanáiggis, muitala Engen.
