Gárrenvuddjiid diimmá lohku lea olu badjeleappos go goasse ovdal.
Diibmá ledje 10 378 biilavuoddji geat gávnnahalle gárrenoaivvis vuodján Norgga luottaid alde. Dat lohku ii leat goassege ovdal leamaš nu badjin.
Oktiibuot ledje gaskamearálaččat sullii 28 gárrenvuoddji beaivái geat váidojuvvojedje diibmá. 10 378 logus lea lassáneapmi 658:in vuddjiin 2019 rájes.
Ledje gaskal 25- ja 34-jahkásaččat geat váidojuvvojedje dávjjimusat, lohku das lei 3093. Dan maŋis bohtet agit 35–44-jahkásaččat loguin 2280, ja 18–24-jahkásaččain ledje 2246.
Oktiibuot váidojuvvojedje 142 vuollel 18-jahkásaš olbmo go ledje vuodján gárrenoaivvis. Ledje dušše 54 olbmo geat ledje badjel 74-jahkásaččat geat bosso ruoksadin.
Politiijaguovllut máddin ja nuortan čálle eanemus váidagiid. Finnmárkkus (250), Romssas (381) ja Møre ja Romsdálas (504) ledje unnimus logut.
