Eanet olbmot go ovdal vudjet gárrendilis.
Eanet olbmot go ovdal vudjet gárrendilis.
Geaidnopolitijaid jahkebeallogut čájehit ahte maiddái dán jagi lea čielga lassáneapmi biilavuddjiin geat váidojit gárrendilis vuodján.
Lassáneapmi 2016:s 2017:i lea badjel 12%, ja dat lea eambbo go duppalastojuvvon 2014 rájes.
Sivvan dása lea várra go Geaidnopolitijat leat doalahan fokusa gárrendilivuodjimii ja váldán atnui ođđa vugiid čalmmustahttit daid, ii ge dat ahte leat eanet promillavuoddjit johtolagas.
Dain 1357 gárrendili vuodjin áššiin mat geaidnopolitijain leat leamaš vuosttaš jahkebealis 2017, duoguštedje sii vuodjinkoartta 635 vuoddjis.
Ággan manne eai duoguštan buot promillavuodjináššiin vuodjinkoarta sáhttá leamaš ahte sis ii lean vuodjinkoarta dahje ahte lei unnán promilla.
Nu mo eará ge áššiin de leat dievddut eanet gerddiid válddahallan go nissonolbmot, 87% áššiin lei dievdoolmmoš vearredahkki.
– Mii leat duhtavaččat go dárkkistandoaibma eastada várálaš johtolatlihkohisvuođaid. Mii bissehit ja áššáskuhttit gárrenvuddjiid ja sin geat rihkkot leahttorájiid. Muhto seammás mii vuorjašuvvat go diehtit ahte gárrendilli ja leaktu leat váldosivat várálaš sorpmiide, muitala Geaidnopolitija-hoavda, Roar S.Larsen.
