Liika gávdnui váris ja orru leamen veallán guhkit áiggi.
Politiijat ožžo dieđu disdaga skábmamánu 03. beaivvi diibmu 09:51 ahte jápmán olmmoš lea gávdnon váris Kongsmarka lahkosis, Svolværas.
– Orru leamen ahte liika lea guhkit áiggi leamaš olgun, čállá Gaska-Hålogalándda politiijaguovlu preassadieđáhusastis.
Politiijat leat iskame jápmán olbmo identitehta, ja politiijat leat iskame leat go dál gávdnan dan olbmo gii dieđihuvvui láhppon geassemánu 25. beaivvi dán jagi.