Ikte registrerejuvvui eanadoarggástus mearabotnis, birrasii 13 kilomehtera eret Ánddasullos, Nordlánddas.
Eanandoarggástus mihtiduvvui 3,3 Richtera skálás, dieđiha NORSAR.
Eanandoarggástus registrerejuvvui guktot NORSAR stašuvnnain mat leat Jettanis ja Kárášjogas. Eanadoarggástus dáhpáhuvai ođđajagemánu 10. beaivvi, diibmu 20:50.
– Eanadoarggástus dáhpáhuvai nuorttabealde Ánddasullo, ja máŋggas dieđihit ahte dovde doarggisteami. Dán guovllus ii leat eanadoarggástus eahpedábálaš, čállá NORSAR iežaset neahttasiidduin.
