Dievdu gii ikte gávdnui biillas mii lei vudjon merrii Honnesvágis, duššai dán lihkohisvuođa maŋŋel.
Dievdu 70-jagiin, gii duorastaga ovdalgaskabeaivve gávdnui biillas mii lei mearas, jámii maŋŋel dán lihkohisvuođa. Nu muitaledje Davvi-Norgga universitehtabuohcciviesus duorastat eahkeda, čállá NTB.
Politiijat ožžo duorastat iđit ovdalaš diibmu logi dieđu ahte biila lea gávdnon mearas kájás Honesvágis. Buokčit ja buollinčáskadanveahki lei jođánit báikkis ja vižže dievddu bajás. Dievdu lei gáttis birrasiid logi minuvtta maŋŋel go politiijaide bođii dat diehtu, muhto lei dieđuheapmi. Son sáddejuvvvui hoahpus Sea-King helikopteriin buohccivissui.
Politiijat leat duođaštan ikte juo ahte eai lean eambbosat biillas, ja leat ikte álgán dutkat dán lihkosvuođa.
