-Almmuhus-
-Almmuhus-
OĐĐASAT Duoguštan 1,3 kilo amfeta­miinna

Duoguštan 1,3 kilo amfeta­miinna

-

-

Finnmárkku politiijat leat čákčamánu 15. beaivvi váldán giddagassii 20-jahkásaš albmá Deanus. Son lea áššáskuhtton roavva narkotihkkakriminalitehta geažil. Politiijat duoguštedje 1,3 kilo amfetamiinna albmá viesus. 

1,3 kilo amfetamiinnas gártet leat birrasii 5200 geavaheamidosa, das man garra dásis leat ja man buhtis lea mirku.   

BISSEHAN: Taktihkalaš dutkanjođiheaddji Torstein Pettersen. Vuorkágovagovven: Silje Malene Varsi. 
BISSEHAN: Taktihkalaš dutkanjođiheaddji Torstein Pettersen. Vuorkágovagovven: Silje Malene Varsi. 

– Politiijat oaivvildat ahte narkotihkka lei oavvilduvvon vuvdot Várjjat-guovllu báikegottiin, ja atnit dan de fuopmášuhtti duogušteapmin. Deanu báikkálaš politiijain, ovttas politiijaguovllu oktasaš resurssaiguin, lea leamaš alla fokusa narkotihkkajođus ja lea sávaldat bissehit sin geat vuvdet ja lágidit báikegottiide narkotihkain. Dan leat bargan áiggi badjel, dadjá taktihkalaš dutkanjođiheaddji Torstein Pettersen politiija preassadieđáhusas.

Áššáiskuhtton

Almmái dubmehalai háldogiddagassii njealji vahkkui čákčamánu 17. beaivvi Nuorta-Finnmárkku diggegottis. Sus lea reive- ja guossegielddus 14 beaivvi. Riekti bijai vuođđun ahte lea várra manahit duođaštusaid. Son lea ovdalis áššáskuhtton iešguđetge narkotihkkarihkkumiin. 

Jørgen Nicolai Hilsen Mowinckel lea nammaduvvon áššáskuhtton albmá bealušteaddjin. 

- Advertisement -
-Almmuhus-