Studeanta gii máŋgii rikkerii ja doaruhii ovtta olgobáikki bargiid, gussiid ja politiija šaddá giddagassii 45 beaivái, celkkii Davvi-Tromssa diggegoddi duomustis geassemánu 15. beaivvi 2020:s
Geassemánu 15. beaivvi celkkii Davvi-Tromssa diggegoddi duomu albmái, studeanta gii ássá Oslos. Son lea guktii rihkkon ráŋggáštuslága paragráfa 155, lea rihkkun ráŋggáštuslága paragráfa 271 vuosttaš láđđasa ja rihkkun politiijalága paragráfa 30. Studeanta ferte čohkkát giddagasas 45 beaivvi. Ráŋggáštusa ollašuhttin maŋiduvvo guvttiin jagiin, ráŋggáštuslága paragráfa 34 ektui.
Dubmehallan studeanta dubmejuvvo máksit 1.048 kruvnna, goluid ovddas maid dat gillájeaddji olgobáikki guossi lea gillán go dubmehallan studeanta máŋgii čorbmadii su ámadadjui muhtun olgobáikkis Tromssas. Lassin dubmejuvvui son maid máksit 3.000 kruvnna buhtadussan gillájeaddjái.
Diggi lea gávnnahan studeanta leat rikkeren olgobáikkis go lei juhkanoaivvis doaruhan politiijabálvá, olgobáikki bálvváid ja gussiid borgemánus 2017:s gitta miessemánu 2018:i áigodagas.
Ávvir ii leat ožžon dieđu, leago studeanta guoddalan duomu.
