Finnmárkku Buohcciviessu ii leat dán rádjái gávdnan tuberkulosa ovttage dorvoohccis mii lea boahtán Norgii ráji rastá Ruoššas.
Ovttas suohkaniiguin, politiijaiguin ja UDI:in dahká Finnmárkku Buohcciviessu mearkkašahtti barggu gieđahallat dorvoohcciid mat bohtet Finnmárkui Ruoššas Storskoga rádjestašuvnna bokte.
Hámmárfeastta báikkálaš politihkkár, Olgeža Ole Martin Rønning, čálii ikte Finnmark Dagblad aviissas ahte leat máŋggas geain lea tuberkulosa. Dán rádjai eai leat iskosat čájehan ovttage njoammu tuberkulosa dorvoohcciid gaskkas mat Ruoššas leat boahtán.
Finnmárkku Buohcciviesus leat dán rádjái leamaš vihtta dorvoohcci geat leat čielggaduvvon njoammu gehpestuberkulosas, muhto njoammu tuberkulosa ii leat gávdnon Finnmárkkus. Eará dorvoohccit, geain balahit tuberkulosa, čuovvoluvvojit suohkaniin nu movt dábálaččat.
Tuberkulosa ii leat dávda mii njoammu álkit, iige leat makkárge erenoamáš njoammunvárra dábálaš oktavuođas dorvocohcciiguin. Álbmotdearvvašvuođainstituhta loguid mielde leat dán jagi dán rádjai boahtán 15 000 dorvoohcci Norgii. Dán rádjái leat gávdnan 59 dorvoohcci geain lea čájehuvvon tuberkulosa go leat iskojuvvon go leat boahtán Norgii. Ii oktage dain lean Finnmárkkus. Dan dieđiha Finnmárkku Buohcciviessu preassadieđáhusa bokte.
