-Almmuhus-
-Almmuhus-
SMÁVVAOĐĐASATDorjot sámi girjjálaš­vuođa

Dorjot sámi girjjálaš­vuođa

Journalista

-

-

Sámediggeráđđi lea juolludan 567 400 ruvnnu Bárus lágádussii almmuhit guokte mánáidgirjji ja girjji geresduoji birra. 

Bárus lágádus oažžu ruhtadoarjaga almmuhit 8. ja 9. girjji «Nillá ja Ádegáhttu» girjeráiddus maid Jens Martin Mienna lea čállán. 

«Niilá ja Ádegáhttu» girjeráidu lea leamaš hui miellagiddevaš mánáide, danin go lea čállon erenoamáš ja geasuheaddji vugiin mii váldojuvvo bures vuostá. Čálli lea maiddái fitnan Sámis, earret eará mánáidgárddiin, lohkamin girjjiid, ja sus leat iešguđetlágan vuogit mo lohká ja heiveha ulbmiljovkui.

– Niilá ja Ádegáhttu máilbmi lea oahpis mánáide, ja lea somá oaidnit ahte girjjit leat nu bivnnuhat. Danne illudahttá go sáhttit addit doarjaga ođđa mánáidgirjjiide čállon Miennas, ja ahte ilbmá eanet mánáidgirjjálašvuohta sámegillii, dadjá sámediggeráđđi Maja Kristine Jåma (NSR) preassadieđáhusas.



Duodjegirji

Sámediggi lea maid addán doarjaga Bárus SA:i almmuhit girjji geresduoji birra – mo ráhkadit geresa.

Girjjis leat govat ja válddahallan olles proseassas movt ráhkadit gerresa. Girjji sáhttá geavahit oahppogirjin duodjefágas, ja heive maiddái earáide geat beroštit fáttás.



Bárus lágádus oažžu oktiibuo 567 400 ruvnnu dan golmma girjái. Juolludeamit leat addon Sámedikki doarjjaortnega bokte «Doarjja sámi girjjálašvuođa prošeaktadoarjagii».

-Almmuhus-