Bargiidbellodaga sámepolitihkalaš ráđi jođiheaddji Inga Lill Sundset lohká ahte sii leat geahčadeame buot vejolašvuođaid. Okta vejolašvuohta lea geassádit sámediggeráđis ja dan ovttasbarggus.
Bargiidbellodat lea čoahkkinastime olles dán vahkku. Bargiidbellodaga sámepolitihkalaš ráđi jođiheaddji Inga Lill Sundset lohká ahte eai leat vel mearridan maid barget, muhto ahte bohtet dán vahkku mearridit.
– Vaikko maid mii mearridit, de lea deháleamos ahte joavku fas čoahkkana, lohká son.
Sundset lohká ahte lea dehálaš buohkat dovdet ahte sin oaivil váldo vuhtii.
– Čohkká dassá mearridit joatkit go ráđis vai eat
Bargiidbellodat ii leat vel mearridan bohtet go evttohit ođđa ráđđeláhttu sámediggeráđđái. Bargiidbellodagas lea dál okta áirras ráđis, maŋŋil go Ronny Wilhelmsen bálkestuvvui eret, ja Vibeke Larsen geassádii bellodagas.
– Mariann Wollmann Magga čohkká ráđis dassážii go mii mearridit galgat go joatkit ráđis vai galgat go geassádit, lohká Sundset.
Son liikká ii mieđit ahte Bargiidbellodat áigu geassádit ovttasbarggus Olgežiin ja Árjjain.
– Mii eat leat veardideame geassádit, muhto mii leat kárteme buot vejolašvuođaid mat mis leat. Eat leat vel mearridan, muhto dat lea okta vejolašvuohta.
(Ášši joatká gova vuolábealde)
Preassagovva
Gulahallan
Bargiidbellodat galgá dál gulahallat ovttasbargoguimmiiguin maid sii barget ovddasguvlui.
– Ii leat jáhkehahtti ahte boahtit evttohit ođđa ráđđeláhttu sámediggeráđđái, lohká Sundset.
Son čilge ahte go sis lea ovttasbargošiehtadus bellodagaid gaskka, de fertejit gulahallat ovttasbargoguimmiiguin maid barget ovddasguvlui.
– Ságastallamat leat jođus, muhto eat evttot maide ovdal leat geargan siskkáldas proseassaiguin.
Gáibideaddji dilli
Sundset lohká lea hirbmat gáibideaddji dilli bellodagas dál, man ii okta ge lean sávvan.
– Mii bargat oažžut mearrádusa mainna buohkat leat duhtavaččat, lohká son.
– Midjiide ii leat dehálaš eahpeluohttámuša ovddidit Vibeke Larsenii, midjiide lea dehálaš ahte šaddá fas ráfi Sámedikkis, ja min iežamet bellodagas.
Ávvir lea geahččalan oažžut sámediggepresideantta ságaide, muhto ii leat lihkostuvvan.
