Sara Margrethe Oskal guhte lea evttohuvvon Davviriikkaid Ráđi girjjálašvuođabálkkašupmái, oassálastá dán jagáš girjemeassuin Helssegis.
Sara Margrethe Oskal guhte lea evttohuvvon Davviriikkaid Ráđi girjjálašvuođabálkkašupmái, oassálastá dán jagáš girjemeassuin Helssegis.
Dan oktavuođas go lea evttohuvvon oažžut bálkkašumi, lea Oskal maid bovdejuvvon Helssega girjemeassuide, gos galgá oassálastit paneladigaštallamis golggotmánu 28. ja 29. beivviid.
Evttohuvvon diktačoakkáldagain
Diktačálli Sara Margrethe Oskal lea evttohuvvon oažžut Davviriikkaid Ráđi girjjálašvuođa bálkkašumi 2016 ovddas, «savkkuhan sávrri sániid» diktačoakkáldagain, mii lea almmuhuvvon Iđut lágádusa bokte.
Diktačoakkáldat lea maid almmuhuvvon dárogillii «utrettelige ord» namas.
Golggotmánu 31. beaivvi lea feastaeahket mas oassálastet buot 14 evttohasa, Den Sorte Diamant girjerádjosis Københámmanis.
Skábmamánu 1. beaivvi álggahit iđibiepbmuin ja fágalaš seminárain evttohasaide.
Seamma eahkeda, Københámmana Koncerthuset visttis, almmuhuvvo guhte vuoitá girjjálašvuođabálkkašumi 2016 ovddas.
Vuolimusas oainnát filmmaža buot evttohasaid birra.
