-Almmuhus-
-Almmuhus-
OĐĐASAT Doarjja boazo­doalu resursa- ja rávven­guovddáža ásaheapmái

Doarjja boazo­doalu resursa- ja rávven­guovddáža ásaheapmái

-

-

Sámediggi lea juolludan 500 000,- ruvnnu Ovddos AS:i ásahit Guovdageidnui resursa- ja rávvenguovddáža boazodoalu váste.

Ovddos AS lea resursa- ja rávvenguovddáš boazodollui, man Guovdageainnu suohkan eaiggáduššá. Ovddos juolluda doarjagiid sihke báikkálaš ealáhuseallima ovdánahttinprošeavttaide, ja maiddái iežas prošeavttaid ovdánahttimii.

Ulbmil lea veahkehit 

ILLUDIT: Aili Keskitalo lohká Sámediggeráđi illudit dan barggu ovddas maid resursa- ja rávvenguovddáš galgá dahkat. . Vuorkágova govven Astrid Helander.
ILLUDIT: Aili Keskitalo lohká Sámediggeráđi illudit dan barggu ovddas maid resursa- ja rávvenguovddáš galgá dahkat. . Vuorkágova govven Astrid Helander.

Dál lea plána ásahit boazoealáhusa resursa- ja rávvenguovddáža Guovdageidnui. Ulbmil lea veahkehit orohagaid hálddahuslaš ovddasvástádusbargguiguin ja bálvalusaiguin, nu go hábmet orohatplánaid ja ráhkadit doallonjuolggadusaid, mat leat mearrideaddji dokumeanttat areálahálddašeamis.

– Sámediggeráđđi árvvoštallá ásaheami buorren doaibmabidjun Guovdageainnu boazoealáhussii. Ohcamušas prošeakta soahpá Sámedikki 2020 bušeahta vuoruhusaiguin, gelbbolašvuođa- ja kapasitehta buorideapmi boazodoalus, dadjá sámediggepresideanta Aili Keskitalo (NSR) sin preassadieđáhusas.

Illuda

Ulbmil lea hukset bissovaš resursa- ja rávvenguovddáža boazodoalu iežas eavttuid mielde, mii galgá dahkat hálddahuslaš vuođu buori areála- ja resursahálddašeapmái. Gelbbolašvuođa lonohallan orohagaid ja almmolaš hálddahusa gaskkas lea eaktun bargui, mii galgá addit buoremus eavttuid Guovdageainnu boazodoalu bissovaš čovdosiidda.

– Ovdabargu mii galgá dahkkot dán prošeavttas lea dehálaš, ja mii dávista muhtun hástalusaide maid mii diehtit, maŋimusat barggu oktavuođas cealkámušas boazodoallošiehtadussii. Sámediggeráđđi lea ilus go mii sáhttit doarjut ekonomalaččat ja illudit bargui mii galgá dahkkot, loahpaha sámediggepresideanta.

-Almmuhus-