Finnmárkkus ii leat vel oktage láddenstašuvdna, dat mielddisbuktá ahte Finnmárkulaččat šaddet vuodjit Supmii dahje Romssa fylkii ovdal go besset biilla láddet.
Finnmárkkus ii leat vel oktage láddenstašuvdna, dat mielddisbuktá ahte Finnmárkulaččat šaddet vuodjit Supmii dahje Romssa fylkii ovdal go besset biilla láddet.
Norggas lassánit el-biillat ja hybriidabiillat jagis jahkái. 41 901 hybriidabiilla leat otnážii registrerejuvvon Norggas ja leat oktiibuot lassánan 16 % čieža jagis. Dat gáibida maid ahte mis leat láddenstašuvnnat mainna biilla beassá láddet.
Ohcat doarjaga
Dál lea vejolašvuohta ohcat doarjaga ásahit álmmolas láddenstašuvnna Enovas. Ortnet boahtá johtui álgomuttus čakčamánu 2017:s. Dán dieđiha Guovdageainnu suohkan iežaset neahttabáikkis ja sii ávžžuhit berošteddjiid ohcat doarjaga dán ortnegis.
Ii leat oktage láddenstašuvdna
Finnmárkkus ii leat dál oktage láddenstašuvdna. Lagamus laddenstašuvnnat leat Romssa fylkkas, gos leat oktiibuot 13 láddenstašuvnna, sihke Tesla ja Chademo/Combo láddenrusttegat. Suomabeale Sámis leat maid láddenstašuvnnat, nu go Gáregasnjárggas, Njuorggámis ja Leppäjärvis.
