-Almmuhus-
-Almmuhus-
OĐĐASAT Divodiš­gohtet fuones geainnu Deanus

Divodiš­gohtet fuones geainnu Deanus

-

-

Fylkkagielda áigu divvut ja nannet geainnu gos máŋga olbmo leat bártidan biillaiguin.

Romssa ja Finnmárkku fylkkagielda lea dál ohcamin fálaldagaid fitnodagain nannet fylkkageainnu 98 Jámešbávttgohpis Čuollovuonas gitta Ráttovuonabahtii. Dás lea sáhka 14 kilomehtera geainnus ja dat lea 51 kilomehtera eret Deanušalddis, dieđiha www.veier24.no.

Ávvir lea čállán ovdal ahte geaidnu lea fuones dilis ja das lea dárbu ođasmahttit geainnu, go olbmot, geat orrot guovllus, balahit bilidit iežaset biillaid dan geainnu alde. Báikkis lea dárbu ođđa geaidnorenniide ja  ođđa smávva šalddiide. Entreprenevra galgá divvut geainnu goappáge bealde gos leat jo divodan geainnu. Hukseheaddji eaktudit barggu álggahit suoidnemánu 20. beaivvi ja loahpahuvvo golggotmánu 9. beaivvi 2022.

- Advertisement -
-Almmuhus-