Ráđđehus lea mearridan ásahit mánáidviesu fálaldaga Finnmárkui. Prošeaktajoavku lea árvvoštallan máŋga báikki gosa sáhtášii ásahuvvot, ja leat gávnnahan ahte Girkonjárgii lea oaneheamos mátki eanaš mánáide Finnmárkkus.
Ráđđehus lea mearridan ásahit mánáidviesu fálaldaga Finnmárkui. Prošeaktajoavku lea árvvoštallan máŋga báikki gosa sáhtášii ásahuvvot, ja leat gávnnahan ahte Girkonjárgii lea oaneheamos mátki eanaš mánáide Finnmárkkus.
Nuorta-Finnmárkku mánát sáhttet dávjjimusat geavahit mánáidviesu fálaldaga Girkonjárggas, boahtá ovdan preassadieđáhusas maid politiijat leat sádden mediai.
Muđuid sáhttá eará mánáide Finnmárkkus leat oanehit ja álkimus mátki vuolgit mánáidvissui Romsii.
Geavahit ain Romssa
Mánáidviesu fálaldat Girkonjárggas galgá leat seammá buorre go muđuid riikkas. Doppe galget sáhttit čađahit riektemedisiinnalaš iskosiid, muhto otná dan beaivvi ii sáhte Girkonjárgga buohcciviessu fállat dán bálvalusa ovdal jagi go 2018 loahpageahčen. Dan botta šaddet mánát geain lea dárbu riektemedisiinnalaš iskosiidda čađahit daid mánáidviesus Romssas.
Seamma vuohki Nordlánddas
Girkonjárgga mánáidviesu bargit bohtet Romssa mánáidviesus, ja sis galget leat sierra beaivvit juohke vahkku go leat doppe gávdnamis. Lea seamma vuohki go Nordlánddas, gos Bådådjo mánáidviesu bargit leat báikkálaš ossodagas Mussiris soames beivviid.
Politiijat mielde ásaheame
Finnmárkku politiijameašttir Ellen Katrine Hætta lea hui ilus go mánáidviessu ásahuvvo Finnmárkui. Romssa ja Finnmárkku politiijat galget ovttas mánáidviesuin ja Davvi Dearvvašvuođain ovttasbargat mánáidviesu ásahemiin Girkonjárggas. Áigeplána ii leat vuos gárvvis, muhto bargu gávdnat lanjaid ásahussii ja fágabargiid ođđa mánáidvissui lea jođus.
