Dál, go beassážat álget ja šaddá olu hušša, de lea bahá vajálduhttit dehálaš diŋggaid. Muitte fal suddjet liikki beaivváža vuostá.
Dál, go beaivváš fas lea goardigoahtan, de lea dehálaš suddjet iežat liikki beaivváža vuostá, go beaivváš sáhttá goardit beare haga šovkesliikái guhkes dálvvi maŋŋel.
Dál leat beassážat maŋŋit ja beaivváš lea maid badjelis almmis ja beaivesuotnjarat garraseappot.
– Lulli-Norgga váriin sáhttá beaivváš šaddat seamma garas go lulimusas loahpageahčen miessemánu. Nu ahte berre muitit sihke vuoidat liikki ja geavahit čalbmelásiid mat suddjejit beaivváža, dadjá Statens Strålevern dutki Bjørn Johnsen.
Garra beaivváš
Juohke logát norgalaččas leat njealjis geat vásihit buollit beaivvážii juohke jagi.
– Dat ii mearkkaš ahte mii eat galgga leat beaivváža ovddas, muhto muitit vuoidat liikki vai ii buole, ii ge galgga nu guhká beaivváža ovddas háválassii, dadjá Borasdávdasearvvi generálačálli Anne Lise Ryel.
Rávvagat movt várjalit beaivváža vuostá:
– Biktasat ja gahpir suddje buot buoremusat, sihke mánáid ja rávisolbmuid.
– Muitte čalbmelásiid mat suddjejit čalmmiid, erenoamážit mánáide.
– Iskka man garas beaivváš lea doppe gos don leat.
