Ráđđehus guhkida hávgabivddu dan čakčamánu 15. beaivái.
Deanučázádaga luossabreavaeaiggádiid stivrrajođiheaddji Rune Aslaksen dieđiha Deanučázádaga Guolástanhálddahus oaččui departemeanttas dieđu mannan vahkoloahpa ahte hávgabivdu prošeakta guhkiduvvo čakčamánu 15. beaivái.
– Lean gulastan olbmot leat hirpmástuhti olu hávggaid goddán Deanu čázádagas. Vuolábealde Skiippagura guoikka ledje goddán birrasii 100 hávgga smávva guovllus. Iežamet guovllus leat mii goddán birrasii 40 hávgga. Min guovlu lea Álletnjárggas Buolbmágii, birrasii 3 km, muitala Deanučázádaga luossabreavaeaiggádiid stivrrajođiheaddji Rune Aslaksen.
Ávvir čuovvula hávga ášši maŋŋá go eanaš logut leat boahtán Deanučázádaga guolástanhálddahussii
